ako at ang hangin ay iisa…
nagdaraan, di nakikita
nadarama, di mahaplos
di mahawakan, tumatagos.
bumubulong, di marinig
umaawit ng walang himig
lumalamig, umiinit
tumitindi, nananakit.
pinapadpad, lumulutang
tinatangay, lumilisan
alaalang nakakabagot
parang hangin, nililimot.
ako at ang hangin ay iisa…
nasa paligid, di nakikita,
lumuluha, tumatawa…
umiiyak, nag-iisa.
No comments:
Post a Comment